વિશ્વ એઇડ્સ દિવસ દર વર્ષે 01 ડિસેમ્બરે સમગ્ર વિશ્વમાં ઉજવવામાં આવે છે. આ ખાસ દિવસની ઉજવણી કરવા પાછળનો હેતુ તમામ ઉંમરના લોકોમાં એઇડ્સ વિશે જાગૃતિ લાવવાનો છે. WHO એ સૌ પ્રથમ ઓગસ્ટ 1987 માં વૈશ્વિક સ્તરે આ વિશેષ દિવસની ઉજવણી શરૂ કરી હતી. તેની ઉજવણી 1988માં શરૂ થઈ હતી. વિશ્વ એઈડ્સ દિવસ વૈશ્વિક સ્વાસ્થ્ય માટેનો પ્રથમ આંતરરાષ્ટ્રીય દિવસ હતો. દર વર્ષે, યુએન એજન્સીઓ, સરકારો અને લોકો HIV સંબંધિત વિશેષ થીમ પર જાગૃતિ ચલાવે છે. આ દિવસે અનેક પ્રકારની પ્રવૃત્તિઓ પણ કરવામાં આવે છે. ઘણા લોકો આ રોગથી પીડિત લોકોને ટેકો આપવા માટે રેડ રિબન પણ પહેરે છે. આજરોજ તારીખ 30/11/2024 ના રોજ ગજેરા વિદ્યાભવન, ઉત્રાણ ખાતે ‘વિશ્વ એઇડ્સ દિવસ’ અંતર્ગત પાવર પોઈન્ટ પ્રેઝન્ટેશન કાર્યક્રમનું આયોજન કરવામાં આવ્યું હતું. જેમાં વિદ્યાર્થીઓએ PPT તૈયાર કરી એઇડ્સ વિશે માહિતી આપી વિદ્યાર્થીઓને માહિતગાર કર્યા હતા.
AIDS નું પૂરું નામ Acquired Immuno Deficiency Syndrome છે. આ વાયરસથી થતો રોગ છે. જે Human Immuno Deficiency virus (HIV) ના સંક્રમણને કારણે થતો એક રોગ છે. જે શરીરના શ્વેતકણોને નિષ્ક્રિય કરીને શરીરની રોગપ્રતિકારક શક્તિ ઓછી કરી નાખે છે. જેના કારણે શરીરમાં રોગો સામે લડવાની ક્ષમતા ઓછી થઇ જાય છે. અને શરીર બિમારીઓનું ઘર બની જાય છે. એક સર્વેના અહેવાલો અનુસાર, જો કોઈ વ્યક્તિના શરીરમાં HIV એઈડ્સના વાયરસ હોય તો તે લગભગ 3 વર્ષ સુધી દવાઓ વિના જીવિત રહી શકે છે. પરંતુ જો કોઈ વ્યક્તિને એઈડ્સના કારણે વધુ સ્વાસ્થ્ય સંબંધિત સમસ્યાઓ થઈ રહી હોય, તો દવાઓ વિના તે એક વર્ષથી વધુ જીવી શકતો નથી. એકવાર એચઆઈવી વાયરસ શરીરમાં પહોંચ્યા પછી તેને દૂર કરવું અશક્ય છે. યોગ્ય દવાઓ જ આનો કંન્ટ્રોલ કરી શકે છે.
એડ્સ વિશેની હકીકતો:
- HIV વાયરસ રક્ત, સીમેન, યોનિ પ્રવાહી અને સ્તનપાનના દ્રાવ દ્વારા ફેલાય છે.
- HIVથી સંક્રમિત વ્યક્તિઓને જો યોગ્ય સારવાર ન મળે તો તે એડ્સમાં પરિવર્તિત થઈ શકે છે.
- આ રોગ માટે હાલ કોઈ દવા નથી, પરંતુ ARV (એન્ટી-રેટ્રોવાયરલ) થેરાપી દ્વારા રોગનું સંચાલન કરી શકાય છે.
એડ્સ દિવસનું મહત્વ:
- જાગૃતિ અને શિક્ષણ: આ દિવસ લોકોમાં એડ્સની વિરુદ્ધ જાગૃત બનાવે છે અને રોગ વિશેના પૂર્વગ્રહો અને ગેરસમજને દુર કરવા માટે ઉદ્દેશિત છે.
- વિષમતા અને ભેદભાવ દૂર કરવો: HIV સંક્રમિત લોકો સાથે સમાનતાથી વ્યવહાર કરવાની પ્રેરણા આપવી અને તેમનો આધાર વધારવો.
- પીડિતો માટે સહાયતા: એડ્સ પીડિતો માટે સારું આરોગ્યસૂચક ઇન્ફ્રાસ્ટ્રક્ચર અને તબીબી સુવિધાઓ પૂરી પાડવી.
એડ્સ સામેના પ્રયાસો:
સરકાર અને અનેક સંસ્થાઓ HIV/AIDS વિશે જાગૃતતા ફેલાવવા વિવિધ કાર્યક્રમો આયોજિત કરે છે. વિશેષ ધ્યાન યુવાધનની વચ્ચે જાગૃતિ લાવવાનું છે, કારણ કે આ ઉંમરના લોકોમાં સંક્રમણનું જોખમ વધુ હોય છે.
આપણું યોગદાન:
- જ્ઞાન વહેંચવું: મિત્રો અને પરિવાર સાથે એડ્સ વિશેની જાણકારી શેર કરો.
- સુવિધાઓનો ઉપયોગ: નિકટના આરોગ્ય કેન્દ્રોમાંથી HIV પરીક્ષણ અને સારવાર વિશે માહિતી મેળવો.
- શુચિતા: રક્તદાન કે અન્ય કોઇ પ્રોસિજર માટે સ્વચ્છ સાધનોનો ઉપયોગ કરો.
- ભેદભાવ ન રાખવો: HIV પીડિત લોકો સાથે માનવતાવાદી વર્તન રાખવું જરૂરી છે.
આ એડ્સ દિવસ પર આપણે શપથ લઈ એ કે HIV/AIDS સામે લડવા માટે જાગૃત રહીશું અને સમાજમાં સંવેદનશીલતા લાવશું.
સતત કાર્ય અને સંવેદના દ્વારા જ આપણે AIDS મુક્ત સમાજ તરફ આગળ વધી શકીશું.
