ગુરુપૂર્ણિમા

       ગુરુપૂજન એ ભારતીય પરંપરા છે, ‘ગુરુવાદ’ને પોષવાનો નહીં પરંતુ ગુરુસંવાદ કરીને ગુરુના અમૃતવચનોને જીવનમાં ઉતારવાનો સોનેરી અવસર એટલે ગુરુપૂર્ણિમા. ગુરુનું પૂજન એ ભારતીય સંસ્કૃતિનું સુમધુર તેમજ ભાવભીનું કાવ્ય છે. ગુરુ વિશ્વની અનંતતાનું તેમજ સૃષ્ટિના જ્ઞાનનું દર્શન કરાવે છે. સદ્ગુરુ જીવનની કલા શીખવી માનવને ઈશ્વરાભિમુખ બનાવે છે. તા. 20/૦૭/૨૦૨૪ ના રોજ અમારી શાળા શ્રીમતી. એસ. એસ. ગજેરા માધ્યમિક અને ઉચ્ચતર માધ્યમિક શાળા, ઉત્રાણમાં ગુરુપૂર્ણિમા ની ઉજવણી કરવામાં આવી. જે અંતર્ગત વિદ્યાર્થીઓ દ્વારા ગુરુ વંદના તેમજ ભજનની રજૂઆત કરવામાં આવી અને ગુરુનું શિષ્યના જીવનમાં મહત્વ વિશેનું વક્તવ્ય આપવામાં આવ્યું. તેમજ વિદ્યાર્થીઓ દ્વારા ગુરુઓનું પૂજન કરવામાં આવ્યું.