ત્રિવેણી સંગમ – શિક્ષક, વિદ્યાર્થી અને વાલી

“GREAT OPPORTUNITY FOR PARENT AND TEACHER TO DEVELOP A HEALTHY AND STRONG RELATIONSHIP FOR THE HOLISTIC DEVELOPMENT OF THE CHILD”

શિક્ષક અને વાલી વચ્ચેનો સુંદર સમન્વય એટલે વાલી મીટીંગ.

       ભણવું એટલે માત્ર પરીક્ષા નથી પણ ભણવું એટલે જીવન ઘડતર અને એક સારા માણસ બનવાની કેળવણી છે. બાળકના ઘડતરમાં માતા-પિતા અને શિક્ષકની ભૂમિકા ફરી સમજાવવાની જરૂર છે.

બાળકના ઘડતર અંગે શિક્ષક અને વાલી વચ્ચે હકારાત્મક અને રચનાત્મક સંબંધ ઊભો કરવાનો સમન્વય એટલે વાલી મીટીંગ. માતા-પિતા અને પરિવાર એવું ઇચ્છતા હોય છે કે તેમના બાળકની શ્રેષ્ઠ કારકિર્દી બને અને તેના અભ્યાસ અંગેની ચર્ચા વિચારણા શિક્ષક સાથે બેસી  તેના પરિણામને સુધારવા પ્રયત્ન કરે.

          બાળક શાળામાં પ્રથમ નંબરે પાસ થાય તો જ એ શિક્ષિત ગણાય એવા ભ્રમથી વાલીએ બહાર આવવું પડશે. સમાજમાં એવા કેટલાક વ્યક્તિઓ છે જેની શૈક્ષણિક કારકિર્દીનો ફાળો તેમના સફળતામાં નહિવત છે. બાળકરૂપી કુમળા છોડને જતનથી સાચવવું ખૂબ જ સ્નેહથી તેનું સિંચન કરવું. પરંતુ તેનો વિકાસ કરવાની મોકળાશ એને આપો .જીવનભર એને આંગળી પકડીને ચલાવવું નહીં પરંતુ બાળકને એની મેળે ચાલવા દો. બસ ધ્યાન એટલું રાખવાનું છે કે તે ડગમગી જાય ત્યારે એને પડવા નથી દેવાનું એને પ્રેમથી સંભાળી લેવાનું છે. પરંતુ ચાલવાનું તો એને એકલા એ જ હોય છે.