વાર્ષિક ઇનામ વિતરણ કાર્યક્રમ

       કાર્યક્રમની શરૂઆત આમંત્રિત મહેમાનશ્રીઓના વરદ હસ્તે દીપપ્રાગટ્ય કરી કરવામાં આવી હતી. તેમાં આચાર્યશ્રીઓ, ઉપાચાર્યશ્રીઓ, શિક્ષકશ્રીઓ, વાલીશ્રીઓ તેમજ વિદ્યાર્થીઓ જોડાયા હતા. શાળાના આચાર્યા શ્રી મહેમાનશ્રીઓનો ટૂંકમાં પરિચય કરાવ્યો હતો. વિદ્યાર્થીઓનો ઉત્સાહ વધારતું વક્તવ્ય આપી શુભેચ્છાઓ પાઠવી હતી. તેમજ મહેમાનશ્રીઓને સ્મૃતિભેટ આપી સન્માનિત કર્યા હતા.                   

       શાળાના ઉપાચાર્ય શ્રી કિશોરભાઈ  જસાણી દ્વારા ઈનામ વિતરણ કાર્યક્રમ અંગેની સમગ્ર રૂપરેખા જણાવી શાળાની વિવિધ પ્રવૃત્તિઓ સ્પર્ધાઓ અંગેની માહિતી આપી, ગત વર્ષે પ્રથમ ક્રમાંક મેળવનાર તેમજ ધોરણ 10 અને 12 ના A1 ના વિદ્યાર્થીઓને સન્માનિત કરવા બાબતની માહિતી આપી હતી. ત્યારબાદ શાળાના ઉપાચાર્ય શ્રી  દ્વારા સમગ્ર વર્ષ દરમિયાન થયેલ વિવિધ સ્પર્ધાઓ, પરીક્ષાઓમાં વિજેતા થયેલ વિદ્યાર્થીઓના નામ જાહેર કરવામાં આવ્યા. આ દરેક વિજેતા વિદ્યાર્થીઓને મુખ્ય મહેમાન શ્રીઓ, શાળાના આચાર્યશ્રીઓ, ઉપાચાર્યશ્રીઓ, શિક્ષકશ્રીઓના વરદ હસ્તે ઈનામો આપવામાં આવ્યા હતા વિદ્યાર્થીઓએ વિજેતા વિદ્યાર્થીઓને તાળીઓના ગડગડાટથી સન્માનિત કર્યા હતા. વિદ્યાર્થીઓના ચહેરા પર એક અનેરો જ ઉત્સાહ દેખાતો હતો.

     ત્યારબાદ મુખ્ય મહેમાનશ્રીઓ  દ્વારા પ્રસંગને અનુરૂપ વક્તવ્ય આપવામાં આવ્યું હતું. વક્તવ્યમાં  તેમણે જીવનમાં વિવિધ પ્રવૃત્તિઓનું મહત્વ, રમત ગમતનું મહત્વ, વિવિધ સ્પર્ધાઓનું મહત્વ, શૈક્ષણિક કાર્ય સાથે કેવી રીતે વધારી શકાય ? તે સમજાવ્યું હતું. તેમજ ગજેરા વિદ્યાભવન દ્વારા વિદ્યાર્થીઓમાં રહેલી સુષુપ્ત શક્તિઓને બહાર લાવવા તેમજ તેમના સર્વાંગી વિકાસ માટે થતી વિવિધ પ્રવૃત્તિઓ અને સ્પર્ધા માટે શાળાને અભિનંદન પાઠવ્યા હતા તથા શાળા અને શાળાના વિદ્યાર્થીઓએ વિવિધ ક્ષેત્રોમાં હાંસલ કરેલ સિદ્ધિઓને પણ બિરદાવી હતી.

        ગજેરા વિદ્યાભવન  વિદ્યાર્થીઓમાં રહેલ સુષુપ્ત શક્તિઓને બહાર લાવવા માટે તેમજ વિદ્યાર્થીઓના સર્વાંગી વિકાસ માટે હંમેશા કાર્યશીલ રહે છે. આમ, ગજેરા વિદ્યાભવન વિદ્યાર્થીઓને તેમના ઉજ્જવળ ભવિષ્ય માટે તૈયાર કરવામાં મહત્વની ભૂમિકા ભજવે છે.