વિદ્યાર્થીઓમાં વધતી આક્રમક વૃત્તિ વિષે તેમણે કહ્યું કે આજના સમયના બાળકો ટેકનોલોજી, સ્પર્ધા અને સામાજિક દબાણથી ઝડપથી પ્રભાવિત થાય છે. શિક્ષક તરીકે ધીરજ, સંવાદ અને સમજણ દ્વારા વિદ્યાર્થીઓને યોગ્ય દિશામાં દોરી જવાની જવાબદારી આપણાં પર છે.

     વ્યવસાયિકતા (Professionalism) વિષે તેમણે ભારપૂર્વક જણાવ્યું કે શિક્ષકના વલણ, બોલચાલ, સમયપાલન અને વર્તન દ્વારા જ વિદ્યાર્થીઓ પ્રેરણા લે છે. શિક્ષકનો દરેક શબ્દ અને ક્રિયા એક શિક્ષણ બની જાય છે.

     આ સમગ્ર સત્ર ખૂબ જ પ્રેરણાદાયક અને વિચારપ્રેરક રહ્યું. ઉપસ્થિત શિક્ષકોને પોતાના કાર્યજીવનમાં સંતુલન લાવવા, વિદ્યાર્થીઓને સમજપૂર્વક હેન્ડલ કરવા અને પોતાના વ્યવસાયિક ધોરણો ઉંચા રાખવા માટે નવી પ્રેરણા મળી. ડૉ. પવન દ્વિવેદીનું માર્ગદર્શન સૌ માટે અત્યંત ઉપયોગી સાબિત થયું.